一定要做齊大學5件事？
「大學五件事」本身係香港嘅大學生用到嘅一個俗語，指嘅係讀書、上莊、住Hall（住宿舍）、做Part time（做兼職）同拍拖五件被認為大學生涯應該要做嘅事（次序有唔同版本）。
好多同學仔都入到大專，都聽過大學5件事，我想講一講作為叔叔，有經歷過大學，五件事都做過有咩感想，係真心分享，都歡迎下面留言
係唔係一定要全部做齊先等於有一個圓滿嘅大學生活呢？
大學5件事其一： 讀書
我好感恩，我第一年嘅時候有師兄同我講記住一定第一個學期要俾心機讀書，因為之後成績只會越嚟越差，因為好難越嚟越高分
因為你學嘢會難好多，所以我同好多人唔同，第一個學期我真係好認真讀書 – 我知我身邊好多我舊生 覺得已經入到大學，想放鬆一個學期
我好記得當時我上咗一個公共行政 (public admin)的course，跟住考試嘅時候我真係當通識卷咁加左5頁紙 – 雖然first SEM 功課拎C ，但係我都放咗GPA嘅時候係攞到A，係因為我考試攞到A + 98分㗎，因為當時仲可以check到自己分數近滿分，所以我只係想提大家，讀書第一年係好重要，因為你一考得差咗，之後嗰三年係好難追得返
而至於讀書佢可以幫到你實現其他所有嘢，包括你之後海外留學，實習，獎學金，基本上所有嘢甚至搵工都係睇成績，
但係我好想強調，不要將100%的時間用於讀書，因為大學最珍貴的是她所帶來的所有機會，我覺得通常有兩種成功的方程式，第一種就是一級榮譽畢業，做到最好，但係其他方面都冇時間兼顧
另一方面就係成績中上， 3:30以上，但係有好豐富工作經驗及課外活動，我會好建議我的學生同朋友仔選擇後者，因為這些經歷及仲有機會，一生人難忘，好似我好感恩，有機會去太古 (Swire Internship)，同埋摩根大通 (JP Morgan)做實習，這些經驗都係一生人得1次，好開心多次建立的人脈。
大學5件事其二： 上莊
不同的但係有唔同嘅名，但係其實都係大同小異，我係好建議第一年係不要上莊
如果俾我重新揀一次，因為雖然係真係識到朋友，或者令到你眼界大開，我會建議你可以選擇第二個學期先上莊，因為第一個學期你先適應咗大學的考試制度，整個模式
又或者你第二年先選擇上裝，你確認咗你兼顧到讀書先，因為第一學期你就唱啦咁多課外活動其實成個考試模式都唔一樣，唔係好似中學咁係咁死做爛做，甚至有好多學科都係全新
例如你讀法律，心理學，全部都係從來都冇接觸過，對你來講都係一種壓力，甚至乎你要寫論文，我都係用咗兩年時間先至知道大學論文 (essay)的技巧，如何取高分如何全部拎A，所以如果比我再揀過，我會試第一學期要參加，你真係好堅持，我會建議參加一些很工作量很少，其實你問吓身邊朋友或者師兄師姐你都應該知道邊啲係工作量好少 (例如不是Faculty 的莊 相對無咁辛苦)
大學5件事其三： 住宿
我覺得這個很難一概而論，因為每一間大學都不一樣，我覺得好視乎你屋企同大學的距離，同埋你想唔想體驗一下同同學一齊住的感覺
但是我都建議第二個學期 Sem2 先參加，因為只是讀書其實大學你已經好多嘢都未適應，例如大學有分教授lectures 講座，同埋到tutorial ，我第一年都分唔清楚，以為兩樣都好重要，但是我之後識得分，平時交論文功課不少課程都是導師tutors 幫你改，即是你只要討好到tutorial的老闆就得了，至於講座lectures – 就視乎真係幫唔幫到你溫書，我有好多courses 其實都冇上 – skip lecture (唔好學我，雖然全部都拎A)
當然我不是一個好學生，但是我必須很努力自己睇返晒所有Reading 每星期幾百頁- 所以這些都是要看你自身的經驗 – 試過一個學期才知那一個才適合自己，例如你一定係要坐喺度聽教授讀一次個簡報，那麼這就是你的大學讀書方式，所以我好覺得值唔值住宿舍，都係第二個學期先開始。
大學5件事其4： 拍拖
呢個就真係要隨緣，好多大學生成日都會因為咁好自卑，我又覺得唔需要強迫自己，就算啲大學真係拍唔到拖，你出嚟工作比我大把機會你同事，或者你大學之後仲有好多社交生活
但係真係唔好為拍拖而拍拖，我見過好多浪費大量時間，參加不同活動如果真係遇到合適的我覺得當然係非常好
至於大家會覺得拍拖會唔會影響讀書我覺得大家都係成年人，現在係中學生，識得分配時間，都經歷過公開試，拍拖根本唔會影響學業，當然要睇你自己本身時間控制同埋你嘅拍拖對象會唔會認真讀書
大學5件事其5： 返工
我會將返工分為兩個部份，總結左大學四年生活，第一種係搵生活費，最快搵生活費一定係做絲寶一對一，但是這種工作經驗價值是等於零，基本上沒有一間大公司會承認私人補習是一種工作經驗，你只不過將你中學以後的知識賣給學生家長，所以我不嬲不建議學生補習，大約2份係比你生活費
反而第二個部份爭取機會做更多實習工作，因為這個才是你累積財富的最重要的方法，因為長線投資，累積更多大公司的工作經驗
Year 1 – start up 公司 / family office hedge fund – 因為基本上每一間公司係會上訴第一年讀書的學生你係冇機會返到任何一間公司
Year 2 – 本地銀行，例如恒生銀行，大新銀行，都會開始招聘
Year 3 – 這一年就很關鍵，無論返學時間定係放假時間你都要極力爭取返好多公司不同的實習，因為除咗可能佢會比一個錄取，你最後一年就唔使搵工，同埋基本上你之後搵工都係靠實習經驗，以上上面四樣嘢其實全部都唔會幫到你搵工，包括讀書其他課外活動，最極端，就算你返過Uniqlo – 這個工作經驗比起上面四項都更重要，即使你讀書畢業，但是零工作經驗但我都幾肯定冇乜公司會願意聘請你。
