CV 相 5大常見錯誤
又到咗求職搵intern嘅時候啦！
想 CV 相 影得奪目亮眼、搏得HR一個最好嘅第一印象？
以下細數 5個 CV 相 最常犯嘅 錯誤 ，
各位 Job Hunter 記得留意返，以免踩中 CV 相 陷阱！
記住要睇到最後啊！
妝扮風格奇怪
要記住，CV 相 嘅目的係畀HR一個好嘅第一印象，
而大多數公司都想搵有禮得體、唔浮誇唔做造作嘅求職者，
所以要記住你嘅 CV 相 都應該要以
簡潔 、自然嘅風格，髮型同妝扮都應該要整潔 簡單，
切忌濃妝或者過分Gel頭，保持自然就可以。
面部表情浮誇
想要畀到HR見到你有禮得體嘅一面？
面部表情一定要做好，
見唔到自己嘅樣，
好難知道自己表情係點，
好可能會扮出太浮誇、太奇怪嘅表情。
建議再可以喺鏡頭後或身邊放一塊鏡，
咁樣就可以留意到自己嘅表情，即時作出調整。
記緊， CV 相應該得體、自然，切忌太浮誇。
相片尺寸不對
CV 相 嘅尺寸要求其實並無固定規格，
一如上面所講，
最緊要係簡潔、自己、而且可以清楚畀到HR見到你嘅容貌，
所以只要可以包含曬你嘅全貌、留適當嘅空間去減少壓迫感即可。
最緊要 切忌用證件相！
因為證件相無論角度、燈光等都非常生硬，
令到相片欠缺立體感，
大大扣你印象分！
臉部比例不平均
上面都有提到，
CV 相 嘅目的係畀HR一個好嘅第一印象，
所以最基本應該要清楚咁畀HR見到你嘅容貌，
人臉應該佔 CV 相 嘅70%。
另外，應該要影到一個最適合你嘅臉部角度，
有需要嘅可以輕微側身或者調整頭部角度，
呈現出你最自信、最奪目嘅一面！
HR要求要睇清
最後，喺影 CV 相 、甚至係諗 CV 內容之前，
其實應該了解返你搵嘅公司同工種，
例如係對於講求專業知識、工作經驗嘅工作，
如果貿貿然加 CV 相 入去，
而冇放足夠嘅個人經驗同工作、學歷等嘅資料，
只會令HR覺得你濫竽充數，導致大大錯失面試機會。
所以喺加入 CV 相 之前記得要睇清楚對象公司嘅背景、避免捉錯用神！
