7個 CV skills
又到咗求職搵intern嘅時候啦！想知 CV 有咩 Skill ？想將你份 CV 寫得奪目亮眼、搏得HR一個最好嘅第一印象？唔想send完CV之後冇回音，好似send咗去垃圾桶咁？以下細數 7個 寫 CV skill，各位 Job Hunter 記得留意返，到時唔駛日日求offer god都有 offer啦！
CV skills 1: 排版及觀感
寫CV嘅重點係令對方感觀舒適，從而為自己喺對象HR嘅心目中加分，所以CV整體感覺應該要以整潔、精簡為主。
首先係CV嘅篇幅，如果係畢業生嘅話一頁效果最好，如果經驗豐富嘅可以寫兩頁，最緊要記住嘅係，你嘅CV應該以整潔、精簡為主。另外，段落方面，會建議靠左對齊，而唔好左右對齊，以免字距不均，降低閱讀時的舒適度，從而令到CV 被扣分。
第二，字體方面，可選擇大小適中的11/12號，以保持內文嘅字體大小一致，另外。字型應該選擇清晰得體嘅，如果係英文可選Arial或Helvetica，而中文就可選用微軟正黑體。
最後，文字大寫方面，ALL-Caps（全部大階）只係適用於姓名同標題，喺內文大寫會大大削弱文章嘅可讀性。
CV skills 2: 個人資料
呢一part嘅重點係要畀對方好輕易就可以聯絡到你，令對方想了解更多你嘅背景、甚至Interview都容易好多！
首先，最重要嘅姓名方面，名應該放於CV頂端位置、另外仲應該調整字體大小同粗體置中，令佢更加醒目易見。
而其他所需資料方面，其實最緊要留低聯絡方式即可，包括電話、E-mail等，與職位無關嘅資料例如身份證號碼、婚姻狀況等一律唔駛寫。
而電郵地址方面，如果你係以E-mail發送CV，最好用CV填寫的E-mail發送。此外電郵地址應該同個人姓名相關，以便分辨你同其他嘅求職者，例如：MatthewWong@outlook.com，並且應該避免用一啲奇怪而且唔專業嘅名，如：mattyboi@outlook.com 。
CV相方面，除非對方特意要求，否則不宜加上。想知更多關於CV相嘅資訊，可以留意返之前CV相嘅Post！
CV skills 3: 學歷與專業知識
喺安排學歷相關嘅資料上，可以寫咗最高學歷先，並靠右或者靠左，整齊咁列出年份。
另外，其實大家只需列出公開試成績（相關科目）、大專學歷和主修科目、相關文憑或者短期課程。
而如果畢業生若嘅成績好好，亦可寫埋你嘅GPA或者榮譽等級，例如First Honours或者Upper-second class degree。
除此之外，仲應該要注意大小階，例如學院機構名應該用全大階，而學系、部門或者其他專有名就應該每個字嘅首字母用大階。
CV skills 4: 工作履歷
呢一part嘅重點係要強調相關嘅個人成就同實質經驗
時序方面，應該要以新至舊咁點列出過往公司嘅名稱、職位、起訖日期同工作內容。
如果曾做過嘅項目與新應徵嘅工作相關，可以着重咁強調返曾接洽嘅客戶同公司項目中負責嘅崗位，突顯自己良好嘅工作表現同成就。
若你係剛畢業嘅大專生，可以填返intern或者兼職經驗。
CV skills 5: 其他活動經驗
呢一part並唔係必填嘅選項，但係如果你曾經嘗試擔任或者參加一啲有助你勝任這呢份工作的嘅職位或者活動，就可以填埋，令到你嘅CV更加豐富。
例如你應徵嘅係會計，如果你曾經擔任學會嘅財務秘書就可以為你加分；
而如果你應徵嘅係教育行業，曾經參加義教嘅經驗亦都可以吸引對方嘅注意。
CV skills 6: 用字
用字會影響到你嘅語氣、成就甚至最終嘅印象分。例如用一啲肯定嘅字眼，以’I will’取代’I think’，或者採用一啲強而有力、有說服力嘅字眼，去強化你嘅工作成就，例如initiate, direct, launch, institute, coordinate等等。
亦都應該避免用一啲唔常見嘅縮寫同重複字眼，可以多啲參考同義詞網站嚟改善下語氣，例如Thesaurus.com（英文）或東東同義詞詞典（中文）。
CV skills 7: 檔案格式
檔案嘅格式會建議用PDF檔，以免移位或者版本不同；File name亦都應該包含自己嘅名，以便對方查閱。
